1934 сыллаахха Хомпу –Наахара нэһилиэгэр  «Чоноойу» үрэҕин баһыгар «Хоҥхоойукуга» төрөөбүтэ. Аҕата Бубякин Михаил Васильевич, ийэтэ Бубякина Мария Гаврильевна Чоноойу үрэҕин баһын төрүт олохтоохторо.   

Кэргэним: Уваров Василий Николаевич 1924 сыллаахха Эмис нэһилиэгин Сталин холкуоска төрөөбүтэ, Эмис төрүт олохтооҕо.                                                                                                                                                  

Аҕата: Уваров Николай Спиридонов                                                                                                                 

Ийэтэ: Уварова –Матчитова Екатерина Дмитриевна.                                                                                               

Василий армияҕа 1943 сыллаахха бэс ыйын 16 күнүгэр ыҥырыллан барбыта.Дальняй Востокка  98-с Морской пехота стрелковай батальонугар сержанынан сулууспалаабыта.  Бүтэһигин Китай кыраныыссатыгар Монголияҕа сулууспалаабыта.  1948 сыллаахха эргиллэн кэлбитэ. Армияттан  кэлээт дойдутугар  «Сталин» холкуоска биригэдьииринэн үлэлээбитэ. Онтон  1950-1951 сылларга Амма орто оскуолатыгар киирэн  9-10 кылааска интернакка олорон оскуоланы ситиһиилээхтик үөрэнэн бүтэрбитэ. 

Ол кэнниттэн Дьокуускай тыа хаһаайыстыбатын  салайар каадырын техникумун бүтэрэн дойдутугар холкуоска биригэдьииринэн үлэлээбитэ.  1958 сыллаахха Сельсовет бэрэссэдээтэлинэн быыбарданан нэһилиэгэр  1962 сылга дылы үлэлээбитэ.Онтон  улаханнык ыалдьан  доруобуйатынан тохтообута.   1964 сыллаахха тохсунньу 14 күнүгэр улахан ыарыыттан олохтон туораабыта.  Билигин кини аатын ааттатар  4 оҕото  21 сиэнэ, элбэх хос сиэннэрэ бааллар.  Мин Василий Николаевичтыын  1956 сыллаахха тохсунньуга холбоспуппут. 8 сыл бииргэ олорбуппут.Кини аатын  оҕолоро, сиэннэрэ хос сиэннэрэ ааттаталлар. Дьокуускайга  «Сэрии огдооботугар» - диэн Кыайыы 65 үбүлүөйдээх сылыгар анаан, 2010 сыллаахха Короленко  21, 9 этээскэ биир хостоох квартира биэрбиттэрэ.  Өр сылларга тохтоло суох медицинэҕэ Эмис балыыһатыгар 35 сыл мед. Сиэстрэнэн үлэлээбитим.Балыыһаҕа үлэлиир кэмнэрбэр  «Победитель-соцсоревнования» 1976 -1977- 1978  «Удостоверение»  Профсоюз Министерствотыттан почетнай грамоталары, махтал суруктары ылбытым.Ол үлэлэрбин учуоттаан Нэһилиэк салалтата «Нэһилиэк бочуоттаах гражданина» аатын иҥэрбиттэрэ.Ити үтүө суобастаах өр сыл үлэлээбит үлэм туоһуларынан «Үлэ,тыыл бэтэрээнэбин» элбэх мэтээлинэн наҕараадаламмытым.

Муус устар 20 күнэ.                   Уварова Сентябрина Михайловна 86 саастаах.