Семенова Матрена Ефимовна Дьөккөн нэһилиэгэр төрөөбүтэ. Үөрэҕэ суох, колхоз чилиэнэ. Нэһилиэк дьоно Аҕа дойду Улуу сэриитигэр 92 киһи кыттыбыта. кинилэртэн 47 буойун кыргыс толоонугар охтубуттара, олор истэригэр кэргэнэ Семенов Федот Семенович сураҕа суох сүппүтэ. Уолунаан Сэмэнниин тулаайах хаалбыттара. Нэһилиэккэ хаалбыт кырдьаҕастар, дьахталлар, оҕолор фроҥҥа көмөҕө диэн түүннэри - күннэри үлэлииллэрэ. 

Дьөккөн нэһилиэгиттэн 209 киһи сэрии кэмигэр тыылга үлэлээн "Үлэҕэ килбиэнин иһин" мэтээлинэн наҕараадаламмыттар, олор истэригэр Матрена Ефимовна баар. Кини 1947 с. олунньу 16 күнүгэр №0114149 наҕараадаламмыт. 1991 сыллаахха өлбүтэ