Дедюкин Дмитрий Ефремович Баайаҕа сэттэ кылаастаах оскуолатын бүтэрээт  "Кыһыл Кутаама" колхуоска биригэдьиирдээбитэ. Ол кэмнээҕи кырыымчык, ыарахан сылларга оҕотук киһиэхэ эрэнэн салайар, дьону түмэр үлэни сүктэрбиттэрин бэйэтин дьулуурунан, дьоҕурунан, тобуллаҕас өйүнэн кыайа туппута. Кэлин булт соноро сүрүн дьарыга буолан билиҥҥэ дылы тыатыгар тардыһан тахса турар.  Убайбыт  “Сүүрбэһис үйэ чулуу булчута” аат хаһаайына. Аны уһуну сүүрүүгэ республика хас да төгүллээх призера. Мандарова Христина Иннокентьевналыын холбоһон 60-тан тахса сыл иллээхтик бииргэ олорон икки кыыс, икки уол оҕоломмуттара. Сиэннэр, хос сиэннэр олоҕу салгыыллар. Билигин убайбыт 92-с хаарыгар да сырыттар этэҥҥэ бултуу уонна олох үөһүгэр үөрэ-күтө сылдьарыттан астынабыт.