Никифоров Семён Егорович 1935 сыллаахха ахсынньы 19 күнүгэр Маай диэн түбэҕэ күн сирин көрбүтэ. 6 сааһыттан колхоза үлэлээбит, оҕуһунан от тиэйэн, кыайарынан кыра булду бултаабыт. 

14 сааһыттан улахан бултка сылдьыбыт. 17 сааһыттан колхоз биир тутаах кадровай булчута буолбут. Маалыкай 7 кылаастаах оскуолатыгар 5 кылааһы  Маай курдук ыраах түбэттэн эт атаҕынан сатыы сылдьан үөрэнэн бүтэрбит. Маайга сэбиэт депутатынан, табаарыстыы суут бэрэсэдээтэлинэн, комсомол сэкэритээринэн, хонуу биригэдьииринэн талыллан үлэлээбитэ. 5 сыл устата өрүһүнэн ас-таҥас, оттук тиэйэр, нэһилиэнньэ тыын боппуруоһун быһаарар баржаны соһор моториһынан үлэлээбитэ. Совхоз салалтата  сылгыһытынан анаабыт. 9 сыл тухары биир да төрүөҕү энчирэппэккэ, бэриллэр былааны толорон үлэлээбит. Колхоз, совхоз, ол саҕанааҕы бастыҥ тарбахха баттанар булчутунан сылдьыбыта. Ону туоһулуур элбэх грамотолардаах, мэтээллэрдээх -- "В.И.Ленин төрөөбүтэ 100 сыла туолуутун бэлиэтээн," Килбиэннээх улэтин иһин мэтээлэ"," Саха АССР норуотун хаьаайыстыбатын үтүөлээх үлэһитэ"," Саха АССР үтүөлээх булчута"," Саха АССР бастыҥ булчута".