Самсонова Мария Петровна, 1915 сыллаахха Акулина уонна Петр Самсоновтар дьиэ кэргэттэригэр бастакы оҕонон күн сирин көрбүтэ. Ол кэмҥэ оскуола диэн суох буолан, арыый борбуйун көтөҕөөт ийэлээх аҕатын кытта колхуос үлэтигэр эриллэн, уһаарыллан улаатар, быраатарын, балыстарын көрсө дьонугар көмө буолар. Үлэни кыайа тутар кыыс сэрии сылларыгар эр дьон оннугар туруулаһан үлэлээн Сталин төбөлөөх мэтээли бастакынан ылар чиэскэ тиксибитэ. Кэргэн тахсан ыал буолар да оҕоломмотохтор. Балтыларын оҕолорун көрсөн, улаатыннартаан, кинилэргэ тирэх буолан олорбута, 1977 сыллаахха олохтон туораабыта.