Эбэм Хоноехова (Дедюкина) Варвара Архиповна 1927 сыллаахха ыам ыйын 2 күнүгэр Таатта улууhун Баайаҕа сэлиэнньэтигэр элбэх оҕолоох боростуой саха ыалыгар  бэһис оҕонон төрөөбүтэ. Бииргэ төрөөбүттэр сэттэлэр.  Эбэм ийэтэ Дедюкина Анна Ивановна, аҕата Дедюкин Архип Кузьмич диэн Баайаҕа олохтоохторо этилэр.Сэрии сылларыгар улахан кураан буолан, от-мас кубарыйа хатан, аччыктааhын, тоңуу-хатыы ыар сылларын олорон ааспыт. Эр дьон үксэ сэриигэ баран үлэлиэн кыахтаах оҕону, дьахтары барытын колхоз үлэтигэр ыыталлар эбит. Оччотооҕу байыаннай балаһыанньа буолан о5олорго, кырдьаҕастарга улахан соруктар турбуттар. Кыайыы туhугар туох баар күүһү ууран дойдуну бөҕөргөтөргө, үлэни-хамнаhы күүhүрдэргэ диэн эбит. Мин эбэм Варвара Архиповна колхозка сайыннары-кыhыннары cүөһү көрүүтүгэр, ол быыhыгар сайынын окко үлэлээбит. Мин Эбэм туhунан Баайаҕа кинигэлэригэр баар. Баайаҕаттан кэлэн ахтыы ылан, хаартыскаҕа түhэрэн барбыттара. Өлүөн иннинэ Аҕа дойду сылларыгар үлэлээбит дьоңңо анаан пааматынньык туруорбуттарын, онно кини аата баарын туhунан хаартыска уонна махтал сурук тутан үөрбүтэ. Сыралаах, үрдүк көрдөрүүлээх үлэтин иhин «Ветеран труда», «Ветеран тыла и труда», «Кыайыы 60 сылынан» медалларынан наҕараадаламмыта.  Эбэм Хоноехова Варвара Архиповна 2013 сыллаахха балаҕан ыйын 9 күнүгэр уhун ыарахан ыарыы кэнниттэн өлбүтэ. 

                                       Хоноёхов Юра,  Томпо оройуонун Е.П.Неймохов аатынан  Мэҥэ-Алдан орто оскуолатын 6 кылааһын үөрэнээччитэ, 2019.