Кырдьык даҕаны, фроҥҥа, дойдутуттан хас да тыһыынча километр ыраах сылдьан биир дойдулааххын көрсөр олус да долгутуулаах, үөрүүлээх буолуо. Мин санаабар, олус уһуннук төрөөбүт тылгынан саҥарбакка,биир даҕаны биир дойдулааххын  көрбөккө сылдьар олус ыарахан.                                                  

Баатаҕайтан төрүттээх, Рейхстагка илии баттаабыт С.Д.Ушницкай 1945 сыллаахха Потсдам куоракка муус устар ыйга Дүпсүн нэһилиэгиттэн сылдьар Н.С.Гоголевы көрсөн үөрүү-көтүү бөҕөтө буолбут, сахаларын тылынан кэпсэтэн сэргэхсийбиттэр. Төһө эрэ долгутуулаах түгэн буолуой? Николай Саввич сахалартан соҕотох үс держава салайааччыларын көрсүүтүгэр бочуотунай харабылга турбута. Иккиэн сэрииттэн эргиллибиттэрэ.

Бороҕон олохтооҕо, сэрии бэтэрээнэ Иосифов Иван Мелентьевич Мүрү оскуолатыгар ахсыс кылааска   бииргэ үөрэммит доҕорун П.С.Дььячковскайы Харьков таһыгар кимэн  киирии иннинэ олох кылгастык көрсүбүттэр. Пантелеймон Сергеевич аҕабыыт Сергей уола, омугунан нуучча. Уу сахалыы:"Өтөрүнэн көрсөр биллибэт,"-диэн бүтэһик охсуһуута буоларын билбит курдук  эппит. Ити охсуһууга геройдуу охтубут. Оо, төһө эрэ бу ыарахан түгэҥҥэ бииргэ үөрэммит Мүрү алаас уолаттара көрсөн, сахалыы, кылгастык да кэпсэтэн, үөрбүттэрэ , күүс-уох ылбыттара буолуой?

Ити курдук, өссө төһө элбэх сахалар биир дойдулаахтарын көрсөн, төрөөбүт тылларынан кэпсэтэн ахтылҕаннарын таһаарбыттара буолуой? Өстөөҕү кыайан дойдуларыгар төннөр баҕа санаалара өссө күүһүрбүтэ буолуой? Бу ахтыылартан ааҕан дьылҕа-хаан ыраах омук сиригэр да көрүһүннэрэр эбит, төрөөбүт тыл ыраах сырыттахха наһаа да  улахан күүһү биэрэр эбит диэн ойдоотум.

Бочкарев Айсен, 11 кылаас, "Мүрүтээҕи"Уолан" гимназия, Уус-Алдан улууһа, Бороҕон

Салайааччы: Бочкарева Г.С., үлэ бэтэрээнэ

От  ыйа, 2020 с.